Dhakhliga shirkada Huawei oo Hoos u Dhac Ku dhacay 2026
Shirkadda tignoolajiyada ee Huawei ayaa maanta soo bandhigtay xogta maaliyadeed ee sannadkii tagay, taas oo muujinaysa korriin gaabis ah balse xasilloon. Dakhliga guud ee shirkadda ayaa gaaray 880.9 bilyan oo yuan ($123.3 bilyan oo doollar), taas oo ah korriin dhan 2.2% marka la barbar dhigo sannadkii 2024.
Qodobada ugu Muhiimsan ee Warbixinta
- Cloud Computing: Dakhliga ka soo xerooday macaamiisha dibadda ee isticmaala Cloud-ka ayaa hoos u dhacay 3.5%, isagoo istaagay 32.16 bilyan oo yuan. Tani waxay timid ka dib markii shirkadaha sida ByteDance ay tartan adag geliyeen suuqa.
- Maalgelinta R&D: Huawei waxay dhigtay rikoor cusub iyadoo gelisay 192.3 bilyan oo yuan (21.8% dakhliga guud) cilmi-baarista iyo horumarinta (Research and Development) si ay u soo saarto chips u gaar ah oo looga maarmo kuwa Maraykanka.
- Gawaarida Caqliga leh (Smart Cars): Qaybtan ayaa ahayd midda ugu korriinka badan, iyadoo dakhliga ka soo gala uu kordhay 72.1%.
- Faa’iidada Safiga ah (Net Profit): Faa’iidada shirkadda ayaa kor u kacday 8.6%, taas oo gaartay 68 bilyan oo yuan.
Caqabadaha iyo Rajada Mustaqbalka
Guddoomiyaha wareegta ah ee Huawei, Meng Wanzhou, ayaa sheegtay in mustaqbalku uu yahay mid “ay ka buuxaan hubanti la’aan,” balse shirkaddu ay xoogga saarayso dhisidda nidaamka Ascend AI iyo HarmonyOS si ay u noqoto mid iskeed isku bixisa.
In kasta oo ay jiraan cunaqabataynta Maraykanka ee dhinaca chips-ka heerka sare ah, Huawei waxay ku guulaysatay inay markii labaad taariikhda gaarto dakhligii ugu sarreeyay, taas oo muujinaysa adkaysiga shirkadda ee suuqa caalamiga ah.
