Deeqaha waxbarasho ee ugu Fiican Sacuudi Carabiya 2026
Baro deeqaha waxbarasho ee ugu fiican dalka Sacuudiga ee sannadka 2026. Maqaalkan wuxuu faahfaahinayaa deeqaha King Saud, King Abdulaziz, iyo Islamic University of Madinah, oo bixiya lacag la’aan, hoy, iyo masruuf bille ah.
Maxay Deeqaha Sacuudiga uga Duwan yihiin kuwa kale?
Deeqaha waxbarasho ee dawladda Sacuudiga waxay caan ku yihiin inay bixiyaan daryeel dheeraad ah oo uusan ardaygu meel kale ka helayn. Haddii aad ku guulaysato mid ka mid ah, waxaad helaysaa:
- Lacag la’aan: Waxbarashada oo dhan waa bilaash.
- Masruuf Bille ah: Lacag cadaan ah oo la siiyo ardayga bishii (Stipend).
- Hoy iyo Cunto: Guryaha ardayda iyo cuntada oo bilaash ah ama qiimo aad u jaban.
- Tikidhada Diyaaradda: Tikidh sannadle ah oo aad dalkaaga ku tegi karto.
- Daryeel Caafimaad: Caymis caafimaad o.o. dhammaystiran.
- Gidda Bilowga: Lacag hal mar la siiyo ardayga marca uu dalka soo galo (Preparation Allowance).
Jaamacadaha ugu Caansan ee Deeqaha Bixiya
1. Islamic University of Madinah (Jaamacadda Islaamiga ah ee Madiina)
Tani waa jaamacadda ugu caansan ee ardayda Soomaaliyeed ay u qabtaan, waxayna u gaar tahay wiilasha oo kaliya .
- Koorsooyinka: Shareecada, Luqadda Carabiga, Qur’aanka, Laakiin hadda waxaa lagu daray Engineering, Computer Science, iyo Science.
- Codsiga: Wuxuu u furan yahay ardayda caalamiga ah inta badan sannadka.
2. King Abdulaziz University (KAU) – Jeddah
Jaamacadani waxay ka mid tahay kuwa ugu darajada sarreeya caalamka (Top Ranked).
- Koorsooyinka: Dhammaan noocyada Engineering-ka, Caafimaadka, iyo Sayniska.
- Heerarka: Bachelor, Master, iyo PhD.
3. King Saud University (KSU) – Riyadh
Waa jaamacadda ugu weyn uguna qadiimsan Sacuudiga, waxayna ku taal caasimadda Riyadh.
- Fursadda: Waxay siiyaan deeqo badan ardayda caalamiga ah ee leh dhibcaha sare (High GPA).
4. King Abdullah University of Science and Technology (KAUST)
Jaamacaddan waxay u gaar tahay Master iyo PhD kaliya. Waa jaamacadda ugu qaalisan uguna deeqsisan caalamka dhinaca cilmi-baarista.
- Faa’iidada: Masruufka bishii la siiyo ardayga ayaa ka sarreeya kuwa jaamacadaha kale.
Shuruudaha Guud ee looga Baahan yahay
Si aad u codsato, waa inaad haysataa:
- Shahaadada Dugsiga Sare: (Bachelor) ama Shahaadada Jaamacadda (Master/PhD).
- Da’da: Badanaa Bachelor-ka waa inuu ardaygu ka yaraadaa 25 sano , Master-ka 30 sano , PhD-ga 35 sano .
- Sawirka Baasaboorka: Baasaboor shaqaynaya ugu yaraan hal sano.
- Warqadda Caafimaadka: Caddayn inaad ka badbaadday xanuunada faafa.
- Warqadaha Talo-bixinta (Recommendation Letters): Labo warqadood oo laga soo saxiixay macallimiintaadii hore.
Sida loo Codsado (Study in Saudi Portal)
Dawladda Sacuudiga waxay hadda samaysay hal meel oo laga wada codsado dhammaan jaamacadaha oo la yiraahdo “Study in Saudi” .
- Waxaad u baahan tahay inaad gasho bogga, doorato jaamacadda aad rabto, ka dibna aad soo galiso (upload) dukumentiyadaada.
